Süni şəkər əvəzediciləri şişmanlığa səbəb olur   |   Sonsuzluq – miflər və faktlar   |   Yasəmən ətri əsəbləri sakitləşdirir   |   QİÇS-in yeni forması aşkarlanıb   |   Depressiya görməni zəiflədir   |   Qadınlar niyə çox danışır?   |   Döş xərçəngi həyat tərzi ilə bağlıdır   |   Qadınlar yuxuya daha çox ehtiyac duyur   |   Körpələr yatanda da öyrənir   |   Kompüter oyunları səhvsiz qərar verməyə zəmin yaradır   |   2 yaşında 41 kilo oldu   |   Yemiş stressin dərmanıdır   |   Uzunömürlülüyün sirri almadadır   |   Başı başqa bədənə köçürüləcək   |   Mədəni həyat kişilərdə depressiya yaradır    |   Xərçəng xəstələrinin sayı 20 milyona çatacaq   |   Balığın sağlamlığınıza faydaları   |   Böyrəkləri çürüdü, yeniləri yarandı   |   Körpələrin ağlaması onlara xeyirdir   |   Partenofiliya - bakirə qızlara meyl   |   Xərçəngin dərmanı - qara şokolad və qırmızı çaxır!   |   Ur (ZOB) haqqında bilmədiklərimiz   |   Soğan yemək beyini gücləndirir   |   Portağal sümüyü bərkidir   |   Qohum nikahlarına "yaşıl işıq"   |   Qadınlarla kişilər eyni cür düşünür   |   Peşənə bax, ölümünü bil!   |   Tənhalıq xərçəngə səbəb olur   |   Ürək əməliyyatını robot həyata keçirdi   |   Saqqız çeynəməyin faydaları   |   Mavi gözlülərin genetik atası eyni olub   |   Sevgi ürəyə xeyirdir   |   Təmiz havada gəzmək intellektual səviyyəni artırır   |   Şəkər də zərərli vərdişlər qədər təhlükəlidir   |   Qadınlar, qəhvə için!   |   Arıqladan çimərlik paltarı   |   Təzyiq altında yaşamayın   |   Bakteriyalar qadınları daha çox “sevir”   |   Çiyələk gümrahlığı artırır   |   Dünya Səhiyyə Təşkilatı: ət xərçəng xəstəliyi yarada bilər   |   Depressiyanın dərmanı - dondurma   |   Nə üçün bir çox xəstəliklər payızda kəskinləşir   |   Qısqanclıq qadınların görmə qabiliyyətini zəiflədir   |   Analar uşaqlarını daha çox əzizləməlidir   |   Öpüşmə bəzi mikroblara qarşı immunitet yaradır   |   Savadlı ol ürəyin ağrımasın   |   Mobil telefon qulaqda əlavə səs yaradır   |   Boyun osteoxondrozuna qarşı effektli məşq proseduru   |   Hıçqırıq hansı xəstəliklərə işarədir?    |   Xərçəng əleyhinə bakteriya tapıldı   |   
Yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması haqqında Azərbaycan Respublikasının Qanunu

Yod çatışmazlığı xəstəliklərinin
kütləvi profilaktikası məqsədi ilə duzun yodlaşdırılması haqqında
Azərbaycan Respublikasının Qanunu

Bu Qanun Azərbaycan Respublikasında yod çatışmazlığı xəstəliklərinin kütləvi profilaktikası məqsədi iiə duzun yodlaşdırılması tədbirlərinin hüquqi, təşkilati və iqtisadi əsaslarmı müəyyən edir və bu sahədə yaranan münasibətləri tənzimləyir.

I fəsil. Ümumi müddəalar

Maddə 1. Əsas anlayışlar

1.0.Bu Qanunda istifadə olunan əsas anlayışlar aşağıdakı mənaları ifadə edir:

1.0.1. yod çatışmazlığı xəstəlikləri - orqanizmdə yod çatış-mazlığı nəticəsində qalxanabənzər vəzin funksiyalarının pozulması ilə əlaqədar yaranan patoloji vəziyyət (beyin funksiyalarının pozulması, uşaqsalma, uşağın ölü doğulması, ağıl kəmliyi, kretinizm və s.);

1.0.2. yod çatışmazlığı xəstəliklərinin profilaktikası – yod çatışmazlığı xəstəliklərinin qarşısının alınmasına yönəldilmiş tədbirlər;

1.0.3. duzun yodlaşdırılması – yod çatışmazlığı xəstəliklərinin kütləvi profilaktikası məqsədi ilə qida və yem üçün istifadə olunan duzun yodla zənginləşdirilməsi prosesi.

Maddə 2. Yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması haqqında Azərbaycan Respublikasının qanunvericiliyi

Yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması haqqında Azərbaycan Respublikasının qanunvericiliyi Azərbaycan Respublikasının Konstitusiyasından, bu Qanundan, digər normativ hüquqi aktlardan və Azərbaycan Respublikasının tərəfdar çıxdığı beynəlxalq müqavilələr-dən ibarətdir.

Maddə 3. Qanunun tətbiq dairəsi

Bu Qanun Azərbaycan Respublikasında yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması sahəsində fəaliyyət göstərən bütün fiziki və təşkilati-hüquqi formasından asılı olmayaraq hüquqi şəxslərə şamil edilir.

Maddə 4. Yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması sahə-sində dövlətin vəzifələri

4.0. Yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması sahəsində dövlətin vəzifələri aşağıdakılardır:

4.0.1. yod çatışmazlığı xəstəliklərinin kütləvi profilaktikası ilə bağlı məqsədli dövlət proqramlarının hazırlanması və həyata keçirilməsi;

4.0.2. əhali arasında yod çatışmazlığı xəstəliklərinin yayılma dərəcəsinin öyrənilməsi, qiymətləndirilməsi və proqnozlaşdırılması;

4.0.3. əhalinin yodlaşdırılmış duza tələbatın təmin edilməsi məqsədi ilə iqtisadi, hüquqi və təşkilatı tədbirlərin həyata keçirilməsi.

II fəsil. Yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması üzrə tədbirlər və yodlaşdırılmış duza tələblər

Maddə 5. Yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması üzrə tədbirlər

5.0. Azərbaycan Respublikasında yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması sahəsində aşağıdakı tədbirlər həyata keçirilir:

5.0.1. əhalinin profilaktik müayinəsinin təşkili və yod çatışmazlığı olan xəstələrin aşkar edilməsi;

5.0.2. monitorinq məqsədi ilə ildə bir dəfə yod çatışmazlığı xəstəliklərinin dinamikasının və aparılan profilaktika tədbirlərinin səmərəliliyinin qiymətləndirilməsi və nəticələri barədə əlaqədar orqanlara məlumat verilməsi;

5.0.3. yod çatışmazlığı xəstəliklərinin qarşısının alınmasına yönəldilmiş elmi tədqiqatların aparılmasının təşkili;

5.0.4. yod çatışmazlığı xəstəliklərinin kütləvi profilaktikası tədbirləri haqqında əhalinin məlumatlandırılması və bu xəstəliklərin qarşısının alınması məsələlərinə dair sanitariya maarifinin mətbuat, radio, televiziya vasitəsilə təşkili, plakatların, bülletenlərin və s. nəşri;

5.0.5. yodlaşdırılmış duzun istehsalı, idxalı və satışı sahəsində fəaliyyət göstərən bütün hüquqi və fiziki şəxslər üçün yodlaşdırılmış duzun keyfiyyətinin və təhlükəsizliyinin təmin edilmə-sində standartlara, sanitar-gigiyenik norma və qaydaların tələblərinə (bundan sonra standartlar və tələblər) əməl olunmasının məcburiliyi.

Maddə 6. Yod çatışmazlığı xəstəliklərinin profilaktikasına nəzarət

6.1. Yod çatışmazlığı xəstəliklərinin profilaktikasına dövlət nəzarəti qanunvericilikdə müəyyən olunmuş qaydada öz səlahiyyətləri daxilində müvafiq icra hakimiyyəti orqanları tərəfindən həyata keçirilir.

6.2. Yodlaşdırılmış duzun keyfiyyət və təhlükəsizlik göstəricilərinin standartlar və tələblərə uyğunluğunu müəyyən etmək məqsədi ilə duzdan götürülmüş nümunələrin ekspertizası müvafiq icra hakimiyyəti orqanı tərəfindən aparılır.

6.3. Yodlaşdırılmış duzun keyfiyyətinin və təhlükəsizliyinin təmin edilməsi sahəsində standartlara və tələblərə əməl olunmasına ictimai nəzarət qanunvericilikdə müəyyən olunmuş qaydada həyata keçirilir.

Maddə 7. Yodlaşdırılmış duza tələblər

7.1. Qida və yem məqsədi ilə istifadə olunan duz yodlaşdırılmalı, onun keyfiyyəti, təhlükəsizliyi, tərkibindəki yodun miqdarına nəzarət metodları müvafiq standartlar və tələblərə uyğun olmalıdır. Duzun tərkibində yodun miqdarı müvafiq icra hakimiyyəti orqanı tərəfindən müəyyənləşdirilir.

7.2. Duzun təmizlənməsi, istehsalı, yodlaşdırılması və satışı sanitar-gigiyenik norma və qaydaların tələblərinə uyğun olaraq həyata keçirilir.

7.3. Azərbaycan Respublikasına idxal edilən və ya respublikada istehsal olunan yodlaşdırılmış duzun qablaşdırılması, etiketləşdirilməsi, saxlanması, daşınması və satışı müvafiq standartlara və tələblərə əməl edilməklə həyata keçirilir.

7.4. Yararlıq müddəti qurtarmış yodlaşdırılmış duzun istifadəsi, təkrar emalı və yenidən yodlaşdırılması qaydaları müvafiq icra hakimiyyəti orqanı tərəfindən müəyyən olunur.

Maddə 8. Yodlaşdırılmış duzun sertifikatlaşdırılması

8.1. Yodlaşdırılmış duzun keyfiyyət və təhlükəsizlik göstəricilərinin standartlar və tələblərə uyğunluğunu müəyyən etmək məqsədi ilə Azərbaycan Respublikasının ərazisində istehsal olunan yodlaşdırılmış duz qanunvericilikdə müəyyən olunmuş qaydada sertifikatlaşdırılır.

8.2. Duzun yodlaşdırılması və sertifikatlaşdırılması haqqında istehlakçılara qanunvericilikdə müəyyən olunmuş qaydada məlumat verilir.

8.3. Yodlaşdırılmamış duzun qida və yem məqsədi ilə istehsalı, satışı və Azərbaycan Respublikasına idxalı qadağandır.

Maddə 9. Yodlaşdırılmış duzun istehsalının stimullaşdırılması Əhalinin yodlaşdırılmış duza olan tələbatının təmin edilməsi məqsədi ilə Azərbaycan Respublikasında yodlaşdırılmış duzun istehsalı sahəsində məqsədli investisiya, qiymət, kredit və subsidiya siyasəti həyata keçirilir.

III fəsil. Yekun müddəaları

Maddə 10. Qanunun pozulmasına görə məsuliyyət

Bu Qanunu pozan hüquqi və fiziki şəxslər Azərbaycan Respublikasının qanunvericiliyində müəyyən olunmuş qaydada məsuliyyət daşıyırlar.

Maddə 11. Yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması haqqında qanunvericiliyin pozulması nəticə-sində vurulan zərərin ödənilməsi

Yodlaşdırılmış duzun istehsal və satışmı həyata keçirən hüquqi və fiziki şəxslər yeyinti məhsullarının keyfiyyət və təhlükəsizliyi sahəsində standartları və tələbləri pozduqda insanların sağlamlığına vurduqları zərəri qanunvericilikdə müəyyən olunmuş qaydada ödəməyə borcludurlar.

Maddə 12. Qanunun qüvvəyə minməsi

12.1. Bu Qanun dərc edildiyi gündən qüvvəyə minir.

12.2. Bu Qanunun 8.3-cü maddəsi 2003-cü il yanvarın 1-dən qüvvəyə minir.

Heydər ƏLİYEV Azərbaycan Respublikasının Prezidenti
Bakı şəhəri, 27 dekabr 2001-ci il

Material www.health.gov.az saytından götürülüb

Baxış sayı
Ay ərzində: 13
Bütünlüklə: 981