Plastik butulkalar uşaqlarda xəstəlik yaradır   |   Psixologiya elminin ən qorxulu eksperimeti: 8 aylıq Albert   |   Yuxusuzluq kökəldir   |   Qadınlar, ərlərinizlə mübahisə edin!   |   Qohum nikahlarına "yaşıl işıq"   |   Depressiya görməni zəiflədir   |   Günəbaxan tumları insanı cavanlaşdırır   |   Uşaqlı qadınlar depressiyaya daha tez düşür   |   Çiyələk gümrahlığı artırır   |   Süni şəkər əvəzediciləri şişmanlığa səbəb olur   |   Ürək əməliyyatını robot həyata keçirdi   |   Cavan həyat yoldaşı ömrü uzadır   |   Xərçəng yox olmaq üzrədir…   |   Qan qrupu xarakterinizdən xəbər verir   |   Portağal sümüyü bərkidir   |   Körpələrin ağlaması onlara xeyirdir   |   Karyera və uşaq doğurmaqda qadınlara məsləhət   |   Sağlamlıq turizmində 7,5 milyard dollarlıq hədəf - KONFRANS   |   Depressiyanın dərmanı - dondurma   |   Xərçəng xəstəliyinin müalicəsinin yeni yolu tapılıb   |   Sonsuzluq – miflər və faktlar   |   Kişilər həyat yoldaşlarını gözəlliyinə görə seçirlər   |   Böyrəkləri çürüdü, yeniləri yarandı   |   Savadlı ol ürəyin ağrımasın   |   DNT analizi bütün xəstəlikləri üzə çıxarır   |   Kişilər kosmetikaya qadınlardan çox pul xərcləyir   |   Sevgi qurban tələb edir   |   Linza seçərkən diqqətli olun   |   Peşənə bax, ölümünü bil!   |   İmmunitet intellektual səviyyədən asılıdır   |   Uşaqların səhhətində kompüterin yaratdığı fəsadlar   |   Ur (ZOB) haqqında bilmədiklərimiz   |   Soğan yemək beyini gücləndirir   |   Ev işləri erkən doğum risqini artırır   |   Tənhalıq xərçəngə səbəb olur   |   Qısqanclıq qadınların görmə qabiliyyətini zəiflədir   |   Piylənmə və artıq çəki problemi   |   Çili bibərləri ağrıkəsicidir   |   Qadınlar kişilərdən daha məsuliyyətlidir   |   3D ürək bulandırır   |   Ana səsi sakitləşdirici gücə malikdir   |   Giləmeyvə yemək insanı cavanlaşdırır   |   Möcüzəli "qazlı sular" satışa çıxarıldı   |   Stress qadınların beynini zəiflədir   |   Ana südü xərçəngə qarşı   |   Ünsiyyət xərçəngin qarşısını alır   |   Uzunömürlülüyün sirri almadadır   |   Xərçəng xəstələrinin sayı 20 milyona çatacaq   |   Kompüterli tomoqrafiya haqqında bilmədiklərimiz   |   Əkizlər ana bətnində dostlaşırlar   |   
Su filtrindən süzülən xəstəlik

Əhaliyə verilən içməli suyun "keyfiyyəti" çoxlarına məlumdur. Xlor iyli, qumlu, ərpli... Hər dəfə kranları açıb təmizləyəndə kranın ağzındakı setkaya xırda daşlar, lil, çör-çöp qalıqlarının yığıldığını görmək olar. Görə bildiyimiz budur.

Sağlamlığına diqqət edən insanlar ya mağazalarda satılan qablaşdırılmış su alır, ya da sutəmizləyici filtrlərdən istifadə edirlər. Suların qaynadıldıqda ərp bağlaması isə filtrlərin keyfiyyətsizliyindən xəbər verir.

Azərbaycanda müxtəlif firmalara məxsus filtrlər satılır.  Firma nümayəndələri məhsullarını mənzillərdə reklam etməklə də onların satışını həyata keçirirlər. Zəminə Məmmədova adlı Bakı sakini "Brita" su təmizləyici filtrindən istifadə etdiyini, amma effektinin olmadığını bildirir: "Filtr bir su qabından, bir də kartricdən ibarətdir. Onun kompakt olması, dizaynı, möhkəmliyi, istifadə rahatlığı müsbət cəhətləridir. Mənfi cəhəti odur ki, kartricləri bahadır. Təqribən hər 2 həftədən bir dəyişmək lazımdı. Düzü, filtrin su təmizləyici effekti də qaneedici deyil".

 

Filtrlərin mənfi və müsbət cəhətləri

Ümumiyyətlə, ölkədə su filtrləri bazarını yeni adlandırmaq olar. Çünki suyun təmizlənməsi üçün məişət və peşəkar filtrlərə son illər tələbat artıb. Odur ki, su filtrləri istehsalçıları kifayət qədər geniş məhsul çeşidi təklif edirlər. Azərbaycanda insanlar suyun məişətdə təmizlənməsi vasitələrinə az diqqət yetirsələr də, Avropa ölkələrində əhalinin 80-90 faizi bu filtrlərdən yararlanırlar.
Ölkədə su filtrlərinin satışını həyata keçirən "Wet Azerbaijan" şirkətinin regional direktoru Yalçın Məmmədov deyir ki, Bakıya gələn cod su ilk növbədə borulara, camaşırxana avadanlığına mənfi təsir göstərdiyindən filtrlərə tələbat artır: "Xüsusilə yeyinti sənayesi və farmakologiya sahəsində filtr sistemlərinə tələbat yüksəkdir. Azərbaycanda dünyanın, demək olar ki, əksər qabaqcıl filtr sistemləri istehsalçılarının məhsulları satılır. Bura "Brita", "Culligan", "Pur", "Pentek", "Cuno", "Kinetico" və digər bu kimi məhsullar daxildir.

Ən çox satılan isə Rusiyanın "Barer", "Akvafor", "Qeyzer", "Atoll" və Almaniyanın "Brita" firmasının məhsullarıdır. Qiymətləri müxtəlifdir. Məsələn, "Brita" filtrinin qiyməti 50 manata yaxındır, onun təxminən ayda bir dəfə dəyişən kasetlərinin dəyəri isə 8 manata təklif olunur. Məhsullar arasında 400 manata olanlar da var. Funksionallığına və məxsus olduğu firmaya görə qiymətlər dəyişir. Hazırda ən mütərəqqi filtr sistemləri əks-osmos üsulu ilə işləyir. Bu texnologiya suyu ideal vəziyyətə çatdırmağa imkan verir".

Sadalanan məişət sistemlərindən başqa, sənaye filtrləri də var. Onlar özlüyündə daha mürəkkəb və yüksək istehsallı sistemlərdir, suyun, texniki mayelərin və yağların təmizlənməsi üçün nəzərdə tutulub.

 

Filtrlər xəstəlik mənbəyidir

Su İstehsalçıları İctimai Birliyinin sədri Dövlət Məmmədov isə deyir ki, filtrlərdən süzülən su ölü su sayılır: "Şirkətlər mənzilləri gəzərək eksperiment aparır, öz məhsullarını reklam edir və onu baha qiymətə əhaliyə satırlar. Əslində, o filtrlərdən keçən su ölü sudur, heç bir  faydası olmur. Məsələ burasındadır ki, filtrlərdən istifadə etdikdən sonra bu qurğuda bakteriyalar yığılır, filtrlərin içi xüsusi avadanlıq vasitəsilə yuyulmadığına görə bura mikroorqanizmlərin mənbəyinə çevrilir. Bu da sonradan insanlarda müxtəlif xəstəliklərin yaranmasına səbəb ola bilər.

Bundan əlavə, filtr suyun tərkibində orqanizm üçün xeyirli olan mineral maddələri də tutub saxlayır. Xarici ölkələrdə təmizlənən sulara sonradan süni şəkildə mineral maddələr əlavə edilir. Onu da qeyd edim ki, ölkəmizdə fəaliyyət göstərən bəzi şirkətlər bulaq suyu adı altında krant suyunu filtrdən keçirərək qablaşdırıb satışa çıxarır".

 

Azərbaycan keyfiyyətsiz filtrlərin bazarına çevrilib

Dövlət Məmmədov deyir ki, filtr bazarına nəzarət yoxdur: "Ölkəyə gətirilən su filtrlərinin əksəriyyəti Çin istehsalıdır. Bu filtrlər, demək olar ki, dünya və Avropa standartlarına cavab vermir. Filtrlər aşağı keyfiyyətli materialdan hazırlanır. Xaricdən gətirilən sintetik tərkibli filtrlər ayaq alıb gedir. Bu məhsulların əksəriyyəti Avropada və digər MDB dövlətlərində bazaralara buraxılmır".

Əksər ekspertlər bu cür xəbərlərin cəmiyyətə müəyyən dərəcədə təsir etmək və mineral su satışının artmasına istiqamətləndiyini düşünürlər. Dövlət Məmmədov hesab edir ki, hazırda Azərbaycan mineral su tələbatını tam şəkildə ödəmək qabiliyyətindədir və hətta xarici ölkələrə də mineral su ixrac etmək iqtidarındadır. Belə olan təqdirdə hər hansı qurğuya ehtiyac qalmır.

Naibə QURBANOVA

Baxış sayı
Ay ərzində: 22
Bütünlüklə: 2888