Gizli xəstəliklərin aşkar əlaməti - başgicəllənmə   |   İdman depressiyanın dərmanıdır   |   Qadınların sevimli yaş dövrü   |   Dünya Səhiyyə Təşkilatı: ət xərçəng xəstəliyi yarada bilər   |   Xərçəng yox olmaq üzrədir…   |   Çox gülən qadınlar tez kökəlir   |   İnternet qocalmanı sürətləndirir   |   Uzunömürlülüyün sirri almadadır   |   Qadının gözəlliyi seçdiyi peşədən asılıdır   |   Dermatoloq: "Xallar dəyişərək BƏDXASSƏLİ ola bilər"   |   Musiqi unsultdan sonra yaddaşı bərpa edir   |   Prostatit və onunla mübarizə   |   Çox düşünənlərin yaddaşı zəif olur   |   Hirsli qadınlar özlərini yaxşı hiss edir   |   Piylənmə və artıq çəki problemi   |   Xərçəngi insan yaradıb?   |   29 yaşında nənə oldu   |   Uşaqları öpməyin!   |   Gecə təngnəfəsliyi ölümə gətirib çıxarır   |   Avropa Şurası Ümumdünya Səhiyyə Təşkilatını yıxıb-sürüdü   |   Alçaqboylu insanlar ürək xəstəliyinə tez tutulur   |   DNT analizi bütün xəstəlikləri üzə çıxarır   |   Təzyiq altında yaşamayın   |   Passiv siqaret çəkmək əsəbləri pozur   |   Yemiş stressin dərmanıdır   |   Möcüzəli "qazlı sular" satışa çıxarıldı   |   Suyu az içmək beyni qocaldır   |   Autizm dünyanın sonu deyil   |   Tənhalıq xərçəngə səbəb olur   |   Xərçəng xəstələrinin sayı 20 milyona çatacaq   |   Əsəbiləşmək kişilərin qamətini əyir   |   Şokolad üzərindəki ağlar nəyin əlamətidir   |   Uşaqlı qadınlar depressiyaya daha tez düşür   |   Köklük insult riskini artırır   |   Sevgi ürəyə xeyirdir   |   Qadınlarla kişilər eyni cür düşünür   |   Sonsuzluq – miflər və faktlar   |   Sağlamlıq turizmində 7,5 milyard dollarlıq hədəf - KONFRANS   |   Enli budlar sağlam ürəyə işarədir   |   Siqaret karlıq yaradır   |   Balığın sağlamlığınıza faydaları   |   Albalı şirəsi yuxunu tənzimləyir   |   Saqqız çeynəməyin faydaları   |   Stress qadınların beynini zəiflədir   |   Böyrəkləri çürüdü, yeniləri yarandı   |   Savadlı ol ürəyin ağrımasın   |   Alimlər bioloji həyatın mənbəyini tapıblar   |   Şüuraltı fikirləri təmizləmək mümkündür   |   Ana bətnində 4 gün donduruldu   |   Qadınlar niyə çox danışır?   |   
Başı başqa bədənə köçürüləcək

Dünyada ilk dəfə olaraq baş transplantasiya əməliyyatını keçirəcək Valeriy Spiridonov Rusiyanın Vladimir şəhərində yaşayır. 30 yaşlı proqramçı onurğa əzələ atrofiyasından əziyyət çəkir. Spiridonov əməliyyat haqda düşündüklərini və planlarını xarici mətbuatla bölüşüb.

Başın başqa bədənə köçürülməsi əməliyyatı 2017-ci ildə italyan neyrocərrah Sercio Kanavero tərəfindən həyata keçiriləcək. O, bu xəbəri hələ 2015-ci ilin fevral ayında bəyan edib. Lakin onun bu bəyanatı bir sıra alim və həkimlərin tənqidinə məruz qalıb. Kanaveronun metodu elmdə əldə edilmiş nailiyyətlər üzərində gerçəkləşəcək. Belə ki, hələ 1970-ci illərdə meymunun başı digər bədənə köçürülməsi əməliyyatı həyata keçirilib. Meymun yeni başı ilə 9 gün yaşaya bildi, çünki bədənin immun sistemi onun üçün yad olan orqanı qəbul edə bilmədi.

Spiridonov və Kanavero “Skype”la əlaqə saxlayır və əməliyyata hazırlıq işləri görürlər. Kanaveronun sözlərinə görə, əməliyyat onurğa əzələ atrofiyasından əziyyət çəkən insanlar üçün yararlı olacaq.

Onurğa əzələ atrofiyası zamanı insanda hələ erkən yaşlardan əzələ inkişafı dayanır. Bu xəstəlikdən əziyyət çəkən uşaqların 50 faizi heç bir il belə yaşaya bilmir. Lakin Spiridonov 30 yaşa kimi yaşayaraq universitet bitirməyə də vaxt tapıb. Bununla belə, belə bir bədənlə qocalana kimi yaşama ehtimalı sıfıra bərabərdir.
Spiridonov 2 il əvvəl professorun internetdə tədqiqatını oxuduqdan sonra onunla əlaqə saxlayıb. Bu vaxta qədər onlar elektron poçtla əməliyyatın risk və perspektivlərini müzakirə edib. Spiridonovun ailəsi onu bu yolda dəstəkləyir. Düzdür, əməliyyatdan onun sağ çıxa bilməyəcək riskini də dərk edirlər.

Spiridonovun bədən donoru isə sağalmaz baş beyin xəsarəti alan insan və ya ölüm cəzasına məhkum olmuş məhbus ola bilər.

Əməliyyatın dəqiq vaxtını müəyyən etməzdən əvvəl Kanavero maliyyə yardımı, həkim və tibb bacısından ibarət 150 nəfərlik heyət tapmalıdır.
Kanavero və Spiridonovun növbəti addımı 2015-ci ilin yayında Annapolisdə (ABŞ) keçiriləcək neyrocərrah konqresində çıxış etməkdir.

Spiridonov çox riskli və ölümlə nəticələnə biləcək əməliyyat haqqında bunları deyib: “Mənim qərarım qətidir və fikrimi dəyişmək niyyətim yoxdur”.

Verdinq-Hoffman xəstəliyindən əziyyət çəkən Spiridonov  ölməmişdən öncə yeni bədəndə yaşamaq istədiyini deyib.

Spiridonov: “Mən qorxuram? Əlbəttə, qorxuram. Lakin bu təkcə qorxu deyil, həmçinin də maraqdır. Siz həm də başa düşməlisiniz ki, mənim başqa seçimim də yoxdur. Əgər mən bu şansdan istifadə etməsəm, mənim taleyim çox pis yekunlaşacaq. İldən-ilə mənim vəziyyətim daha da pisləşir”.
36 saat davam edəcək əməliyyatın qiyməti nə az, nə çox - 12 milyon dollardır.

Həkimin sözlərinə görə, həm pasiyent, həm də donorun onurğa beyni eyni anda bədəndən ayrılacaq. Başın bədəndən ayrılması üçün lazer ülgücdən istifadə ediləcək. Sonra isə pasiyentin başı donorun bədəninə yerləşdiriləcək. Bədən və başın birləşdirilməsində Kanaveronun “sehrli tərkib” adlandırdığı polietilen qlikol yapışqan maddəsindən istifadə ediləcək. Polietilen qlikol onurğa beyinin hər iki ucunu bədənə birləşdirəcək.

Əzələ və qanın bərpa olunması üçün əməliyyatdan 4 həftə əvvəl pasiyent koma halına salınacaq. Bu zaman onun bədənində qan hərəkəti dayandırılacaq ki, baş və bədən bir-birinə birləşib sağala bilsin.

Xəstə komadan oyadıldıqda isə o, öz simasını hiss edə biləcək və həmişəki səsi ilə danışa biləcək. Güclü immunosupressiyalar bədən tərəfindən başın “rədd edilməsinin” qarşısını alacaq.

Həkim əməliyyatın uğurla bitəcəyinə əmindir. Spiridonov xarici mətbuata verdiyi müsahibəsində deyib: “Bədənimi güclə tərpədirəm. Hər dəqiqə köməyə ehtiyacım olur. 30 yaşım var və nadir insanlardanam ki, bu xəstəliklə düz 20 ildir yaşayıram. İnkişafım uşaqlıqdan dayanıb. Onurğa sütunum deformasiyaya uğradığından hərəkət edə bilmirəm. Əgər nəyinsə edilməsini istəyirsənsə, onda sən özün onda iştirak etməlisən. Əməliyyatın qorxulu olmasından xəbərim var. Bununla belə, əməliyyatda nəyinsə səhv gedə biləcəyinə şübhə edirəm. Bunun başqa kiminsə üzərində aparılacağını görmədən öləcəyimdən qorxuram. Bu ideyaya çoxlu güc sərf edilib, ona görə də geriyə çəkilmək artıq gecdir. Həmçinin bu ideya sanki astronavtika elmi kimidir. Kosmosa insan göndərməzdən əvvəl 300 müxtəlif ssenari cızılmışdı. Plan baş tutmadı, lakin əvvəl-axır astronavtlar kosmosa göndərildi. Çünki 301-ci ssenari baş tutmuşdu”.

Kompyuter elmlərini oxuyan Spiridonov müsahibəsində özü haqqında da danışıb: “16 yaşımda atamı avtomobil qəzasında itirdim. O, polkovnik- leytenant idi. Ona görə də, erkən yaşlardan ailəmi saxlamaq məcburiyyətində qaldım. Anam uşaq reabilitasiya mərkəzində uşaq psixoloqudur. Özüm Vladimir Dövlət Universitetinin informasiya texnologiyaları fakültəsini bitirmişəm. Aktiv həyat tərzim var və ailə və gənclər üzrə məsələlərlə məşğul olan komitənin başçısıyam”.



Nura

Baxış sayı
Ay ərzində: 26
Bütünlüklə: 3532