Amerikalı alimlər iddia edirlər ki, gəzmək ən xeyirli idman növüdür. Piyada gəzinti stressi aradan qaldırır və təzyiqi normallaşdırır. "Mayo Clinic Proceedings" tibb jurnalının redaktoru Ceyms Levin qeyd edir ki, gəzinti istisnasız olaraq hamı üçün xeyirlidir. Onun sözlərinə görə, fitnes-klublara getmək lazım deyil. Televizor və ya kompüter arxasında çox oturmaqdansa, bacardıqca gəzmək lazımdır. Oturaq həyat tərzi isə bel üçün ziyanlıdır, həmçinin əlavə çəki yaradan xolesterinlərin miqdarını da artırır. Mütəxəssislər sübut ediblər ki, gəzinti oynaq və ayaqlara da xeyirdir, həmçinin əhvali-ruhiyyəni də yüksəldir. Gün ərzində 5 dəqiqə açıq səma altında gəzmək kifayətdir ki, insanın emosional vəziyyəti normallaşsın.Yaponiyalı alimlər isə iddia edirlər ki, intensiv gəzinti arterial təzyiqi də normallaşdırır.
