İnsanlar arasında həm xasiyyət, həm də psixoloji fərqlərin araşdırılması daim maraqla qarşılanıb. Alimlər insanın dərisinin, saçının rəngi ilə əsəb sistemi arasında əlaqənin olduğunu üzə çıxarıb. Rusiya mətbuatının verdiyi məlumata görə, alimlər insanın gözünün, dərisinin və saçının rəngindən onun əsəb sisteminin durumunu müəyyənləşdirməyi mümkün sayır. Eksperiment nəticəsində müəyyənləşdirilib ki, qarabəniz insanların əsəb sistemi daha möhkəm olur. Onlarla müqayisədə sarışınlar daha tez özündən çıxır, hətta lazımsız kaprizlər edir, bu insanların sakitləşdirici dərmanlara daha çox ehtiyacı olur. Alimlərin daha bir yeniliyi sarışınların dəri xərçənginə tutulma ehtimalının yüksək olması ilə bağlıdır. Onlar bildirir ki, belə insanların dərisindəki çillər qıcıq mənbəyidir.