Amerikalı alimlərin apardıqları araşdırmalar zamanı məlum olub ki, albalı şirəsi ən zərərsiz yuxu yaradan təbii vasitədir. Bu səbəbdən yuxusuzluqdan əziyyət çəkənlər ondan birmənalı şəkildə istifadə edə bilərlər. Araşdırmalar zamanı mütəxəssislər könüllüləri toplayıb iki qrupa ayırıblar. Təcrübə zamanı qruplardan birini albalı, digərini isə başqa meyvələrlə qidalandırıblar. Təcrübə obyekti olanlar meyvə şirəsini hər gün səhər və axşam 1 stəkan içiblər. Nəticədə məlum olub ki, albalı şirəsi içənlər digərlərindən orta hesabla 17 dəqiqə çox yatıblar. Alimlər albalı şirəsinin yuxugətirən təsirə malik olmasını onun tərkibində melatoninin çoxluğu ilə əsaslandırıblar. Bu hormon insan beynində yuxu hüceyrələrinin fəaliyyətini tənzimləyir və insanı gümrahlaşdırır. Yuxunu yaxşılaşdırmaqla digər tibbi preparatlar kimi orqanizmin başqa üzvlərinə mənfi fəsadlar vermir. Qeyd edək ki, Yer üzündə bu gün hər 4 nəfərdən 1-i yuxusuzluqdan əziyyət çəkir.