Uzunömürlülüyün əsas sirri hər gün alma yeməkdən keçir. Avstraliyanın "CSIRO" mərkəzi ekspertlərinin 10 ildən artıq müddətdə apardıqları araşdırmalar nəticəsində belə bir qənaətə gəlinib. Professor Menni Noksun sözlərinə görə, almanın tərkibində insan orqanizmi üçün çox xeyirli olan bir çox maddə var: "Bu maddələrin hesabına alma yeyən insanlarda qanın tərkibində xolesterinin səviyyəsi aşağı düşür. Alma həm də şəkərli diabetin inkişafının qarşısını alır. Əgər polifenolların astma və allergiyaya qarşı əsas mübarizə vasitəsi olduğu nəzərə alınsa, onda almanın ümumiyyətlə ölçülə biləcək dəyəri yoxdur". Həkimlərin bu qənaətini avstraliyalı Edna Sparvey də təsdiqləyib. O, bir neçə gün öncə 100 yaşını tamamlayıb. Ednanın ailəsində alma ilə bağlı məsələ onların milli qüruru sayılır. Məhz onun nənəsi Mariya Enn Remsi Smit 140 il əvvəl dünyada "Qreen Smit" kimi tanınan məşhur alma növünü ixtira edib.