Alimlər hər zaman insanların təmiz havada gəzməsinin bir çox müsbət nəticələrinin olduğunu söyləyiblər. Lakin bu məsələ ilə bağlı aparılan araşdırmalar zamanı insanları təəccübləndirə biləcək bir çox yeni məqam üzə çıxıb. Sən demə, təmiz havada gəzinti insana yalnız fiziki baxımdan xeyir deyilmiş. "The Daily Mail" yazır ki, Amerika alimlərinin araşdırması gəzintinin intellektual səviyyəni artırdığını üzə çıxarıblar. Bu, gəzinti zamanı insanların saysız-hesabsız xarici qıcıqlara reaksiya verməsi ilə əlaqələndirilir. "İnsan həftə ərzində hərəsi 40 dəqiqə olmaqla 3 dəfə təmiz havada gəzərsə, onun intellektual səviyyəsi yüksələ bilər", - deyə professor Art Kramer bildirir.