Alimlər insanların sevgi hissləri ilə bağlı daha bir maraqlı araşdırma aparıblar. Bu dəfə də maraqlı nəticələr əldə edilib. Belə ki, insan sevməyə başlayan zaman təxminən 2 dostunu itirir. "BBC" xəbər verir ki, Oksford Universitetinin alimlərinin apardığı araşdırma bu nəticəni üzə çıxarıb. Sevginin "neçəyə" başa gəldiyini araşdıran mütəxəssislər bildirir ki, hər insan orta hesabla 5 dosta malik olur. Romantik münasibətin yarandığı zaman isə onların sayı azalır: sevgi 1 nəfərin təxminən 2 dostunu itirməsi ilə nəticələnir. "Bu halda insanın diqqətinin böyük hissəsi sevgilisinə yönəlir. Nəticədə xeyli müddət vaxtınızı birgə keçirdiyiniz bəzi insanlarla görüşməyə vaxt tapılmır. Bu da dostların arasında soyuqluğa, əlaqənin tədricən itməsinə aparıb-çıxarır", - deyə tədqiqat müəllifləri bildirir.