Amerikan dietoloqları xəbərdarlıq edirlər ki, şəkərin artıq miqdarda istifadəsi kökəlmə ilə yanaşı, qaraciyəri yorur və qan təzyiqinin artmasına səbəb olur. Məlumata görə, son 50 il ərzində şəkərin istehlakının üç dəfə artığını açıqlayan həkimlər paralel şəkildə kökəlmə, yüksək qan təzyiqi və şəkər xəstəliyinin də yayıldığını qeyd edirlər. Mütəxəssislər bununla bağlı şəkərə vergi tətbiq olunmasını və paketlərin üzərində “Sizin səhhətiniz üçün təhlükəlidir” bildirişinin qeyd edilməsini təklif ediblər.