Amerikalı alimlərin apardığı araşdırmalar nəticəsində insanların xərçəng xəstəliyinə qarşı dayanmaq gücünün artırılmasına yardım edən daha bir vasitə aşkarlanıb. Belə ki, qara şokolad və qırmızı çaxır xərçəng xəstəliyi ilə mübarizə aparmağa yardım edən qidaların siyahısına daxil edilib. Qeyd edək ki, əvvəllər bu siyahıda yaşıl çay və soya var idi. Həkimlər bildirirlər ki, bu qidalar xəstəliyin ən ağır mərhələsində onun aradan qaldırılmasında preparatları əvəz edə bilməsələr də, ilkin mərhələ üçün çox faydalıdırlar. Qara şokolad və qırmızı çaxır qanın xərçəng hüceyrələrinə daxil olmasının qarşısını alır. Bunun nəticəsində isə həmin hüceyrələr ölür.