Süni şəkər əvəzediciləri kaloriliyinin az olmasına baxmayaraq artıq çəkinin yaranmasına səbəb olurlar. Bu fakt Purdyu Universitetinin əməkdaşlarının araşdırmaları nəticəsində məlum olub. Siçanlar üzərində təcrübə aparan tədqiqatçılar onları iki qrupa bölərək birinci qrupu tərkibində təbii qlükoza olan yoqurt, digərlərini isə süni şəkər qatılmış yoqurtla yemləyiblər.
Müşahidələr göstərib ki, şəkərlə bəslənən siçanlar digər qrupdakı həmcinslərinə nisbətən daha artıq çəki yığıblar. Xatırladaq ki, süni şəkərdən populyar ərzaqların dietik versiyalarında geniş istifadə olunur. Və onlar artıq çəkidən əziyyət çəkən insanlar üçün nəzərdə tutulub. Lakin son tədqiqatlar gözlənilən nəticələrin əksini sübuta yetirib.
Qeyd edək ki, təbii şəkərlə qidalandıqda insan orqanizmində lazımi miqdarda kalori qəbul etdikdən sonra doyma prosesi baş verir. Lakin süni şəkər qəbul etdikdə orqanizmdəki bu təbii proses pozulur və insanda doymaq hissi yaranmır. Tədqiqatların nəticələrini süni şəkərdən daha çox istifadə olunan inkişaf etmiş ölkələrdə artıq çəki probleminin yaranması da sübut edir.
Ancaq hələ də alimlər arasında süni şəkərin insan orqanizminə zərəri barədə vahidfikir formalaşmayıb. Nəticələrlə razılaşmayan alimlərin fikrincə gəmiricilərdən fərqli olaraq insan şüurlu şəkildə qəbul etdiyi şəkərin miqdarına məhdudiyyət qoymaq iqtidarındadır.