Son illər ölkədə psixi xəstəliklərə mübtəla olanların sayı kəskin artıb. Dövlət Statistika Komitəsindən verilən məlumata görə, 2000-ci ildən indiyə kimi hər il ərzində 5 mindən çox adama ilk dəfə psixi xəstə diaqnozu qoyulub: "Hazırda Azərbaycandakı müalicə-profilaktika müəssisələrində qeydiyyatda duran psixi xəstələrin sayı 130 minə yaxındır. Rəsmi statistikaya görə, ölkədə hər 100 min nəfərdən 1432-si psixi xəstədir. Əgər 2000-ci ildə respublikadakı müalicə-profilaktika müəssisələrində qeydiyyatda duran psixi xəstələrin sayı 97.279 nəfər idisə, 2008-ci ildə bu rəqəm 122.589-dək artıb. Beləliklə, son 8 il ərzində ölkədə psixi xəstəliklərə mübtəla olanların sayı 25.310 nəfər çoxalıb. Mütəxəssislər bu rəqəmin artacağını istisna etmirlər".

Tibb.az