Gün ərzində açıq təbiətdə 5 dəqiqə fiziki işlə məşğul olmaq insanların psixoloji sağlamlıqları üçün çox xeyirlidir. Alimlər müəyyənləşdiriblər ki, yaşıllıq ərazilərdə qaçmaq, gəzmək, velosiped sürmək də ümumi sağlamlığın əsas şərtlərindəndir. Profesorlar Co Barton və Culya Prettinin araşdırmalarına əsasən vəhşi təbiətdə və ya su hövzələrinin kənarlarında fiziki işlərlə məşğul olmaq insanların psixoloji durumlarına çox müsbət təsir göstərir. Lakin kənd yerlərində və ya parklarda olmağın bu istiqamətdəki xeyri yuxarıda qeyd olunanlarla müqayisədə bir qədər azdır. Nəticələr zamanı məlum olub ki, bu cür məşğələlər bütün insanlara yaşından fərqli olmayaraq xeyirdir. Lakin gənclər və psixoloji xəstəliklərdən əziyyət çəkənlərə daha çox təsir göstərir. Barton deyib ki, piyada gəzmək tək sağlamlığa xeyir vermir. Eyni zamanda dövlətin vəsaitini də qoruyub-saxlayır. Hazırda mütəxəssislər tibbi müalicələr üçün xüsusi yaşıllıq zonalarının salınmasını istəyirlər.
