ABŞ-ın Sietl universitetinin uşaq araşdırmalar mərkəzi tərəfindən aparılan araşdırmalar zamanı məlum olub ki, az yatan uşaqlar çox tez kökəlirlər. Təcrübələrə 14 yaşlarında olan 723 uşaq qatılıb. 1 həftə ərzində onlar üzərlərində fiziki fəallıqlarını yoxlamaq üçün akselerometr gəzdiriblər. Həkimlər hətta onların qidalara olan adətlərini, bunun davamlılığını, xüsusilə də yuxularına fikir veriblər. Təcrübənin ilkin mərhələsində uşaqların piylilik faizi, bədənlərinin çəkilərinin indeksləri öyrənilib. Sonra isə 1 həftə ərzində onların yuxularının müddəti, tineycer rasionları izlənilib. Məlum olub ki, qısa yuxular artıq çəki yaradır. Bu hal daha çox qız uşaqlarında qeydə alınıb. Onlardan bir çoxu normal halda qida qəbul etmələrinə baxmayaraq, az yatdıqları üçün yenə də artıq çəki almağa başlayıblar. Yeniyetmələr səhərə qədər kompüter qarşısında oturub, səhər tezdən isə qısa yuxudan sonra durub dərsə getməyə məcbur idilər. Nəticədə onların yuxusu gün ərzində 5 saat təşkil edib.