İngiltərədəki Psixiatriya Kral Kollecinin araşdırmalarına əsasən, kifayət qədər su içməmək beyindəki gri maddəsinin azalmasına səbəb olur. Bu durum beyinin fəaliyyətinə də mənfi təsir göstərir və düşünməyi çətinləşdirir. Araşdırma qrupu bəzisi olduqca qalın geyinən bir qrup gəncin beyinlərini 1 saatlıq velosiped gəzintisindən sonra yoxlayıb. Qat-qat paltar geyinərək velosiped sürən və çox tərləyən gənclərin beyinlərində daha çox daralmaların müşahidə edildiyi üzə çıxıb. Nəticələr zamanı o da məlum olub ki, sadəcə, 90 dəqiqə ərzində tərləmə belə beyinin 1 illik yaşlanmasına səbəb ola bilir. Zaman keçdikcə beyinin suyunun quruması isə iş fəaliyyəti, məktəb həyatı və imtahan verilməsinə mənfi təsir göstərməyə başlayır.