Kişi və qadın münasibətlərinə dair daha bir qəribə fakt üzə çıxıb. Almaniya alimlərinin apardıqları araşdırma zamanı maraqlı nəticə qeydə alınıb. Rusiya mətbuatının yazdığına görə, alimlər indiyədək heç kimə məlum olmayan qeyri-adi qanunauyğunluğu üzə çıxarıb: əgər kişi özündən xeyli kiçik qızla evlənirsə, bu onun ömrünü uzadır. Bu hal qadınlara əksinə təsir göstərir. Yaşlı kişiyə ərə getmiş qızın ömrü qısalır. Araşdırma nəticəsində məlum olub ki, xanımından 7 - 9 yaş böyük olan kişilərin tez ölmək risqi digərləri ilə müqayisədə 11% azdır. Həyat yoldaşından kiçik olan kişilər isə ömrünü daha tez başa vurur. Qadınlarla bağlı vəziyyətə gəlincə isə özündən 7 - 9 yaş böyük kişiyə ərə gedən xanımlarda vaxtından əvvəl dünyasını dəyişmək risqi 20% artıqdır.
