Siqareti çox çəkən insanların ağciyərlərinin xərçəng xəstəliyinə tutulması risqinin azaldılması üçün önəmli tapıntı həyata keçirilib. Sən demə, B6 vitamini bu risqi 2 dəfə azaldır. Bu kompleksə B9 vitaminin əlavə edilməsi isə qanda xərçəng risqini 67 faiz azaldır. Beynəlxalq Onkoloji Araşdırmalar Agentliyinin professoru Pol Brenanın rəhbərliyi ilə aparılan araşdırmada 10 Avropa dövlətindən indi və əvvəllər siqaret çəkmiş 400 min şəxs iştirak edib. Alimlər bir şey üzərində xüsusi olaraq dayanmağa çalışıblar ki, hansı qidalar tütün həvəskarlarının sağlamlığını qoruyur. Bununla belə, onlar ən yaxşı vasitə kimi yenə də siqaretin tərgidilməsini məsləhət görüblər. Təcrübələr zamanı məlum olub ki, ağciyər xərçəngi siqaret çəkib sonradan tərgidən insanlarda da yarana bilər. Bu risk xüsusilə asiyalı qadınlarda daha çoxdur. Qeyd edək ki, hər il 1,3 milyon insan ağciyər xərçəngindən dünyasını dəyişir.
