Vergilər Nazirliyi vergi ödəməyən müəssisələrin adını açıqlayıb. Nazirlikdən lent.az-a verilən məlumata görə, həmin şirkətlər Bakı şəhərində yerləşən. "SƏMA LTD" MMM, "RUZU" MMC, "R+R COMPANİ" MMC, "XANLAR 2" MMC, "ELEQANT-M" MMC, "EUROHOME" MMC, "ERİ" FİRMASI, "KAT LTD" MMM, "OPUS" MMC, "AZACO" MMC, QALAKTİKA FİRMASI, "ŞİKAR" FİRMASI, "LEYLƏK" MMC, "SİRAB-2008" MMC-dir. Bundan başqa, Əliyev Sahib Bayram oğlu, Hüseynov İsgəndər Abasqulu oğlu, Abbasov Zeynalabdin Abbas Abbas oğlu, Həsənov Araz İsmixan oğluna məxsus müəssisələr də vergi borcunu ödəməyənlər siyahısındadır.

Səhiyyə Nazirliyinin Elmi Tədqiqat Mamalıq Ginekologiya İnstitutu yeni rəqəmlər açıqlayıb. İnstitutun elmi katibi Leyla Məmmədova bildirib ki, 20 yaşa qədər qadınların hamiləliklərinin 13 faizi, 20-24 yaşlı qadınların hamiləliklərinin 28 faizi, 25-34 yaşlı qadınların hamiləliklərinin 58 faizi, 35-44 yaşlı qadınların hamiləliklərinin 75 faizi süni abortla başa çatır. 2011-ci ildə Azərbaycan üzrə yeniyetmə qadınlar arasında edilən abortların sayı 1204 olub. Onlardan 15-17 yaş arası 135 nəfər, 18-19 yaş arası isə 1069 nəfərdir.

Toyuq təbii yolla 12-16 həftəyə böyüməlidir, fabrikdə isə 5 həftə ərzində 1 kilodan çox çəkiyə sahib olur Mətbəximizə, süfrəmizə, qida rasionumuza daxil olmuş bu təamdan hələlik tamam imtina edə bilmirik. Ancaq onu haqda yetərli bilgiyə sahib olmasaq, çox şey itirərik. Bu mövzuda ətraflı araşdırmalar aparan İstanbul Universitetinin nəzdindəki Onkologiya İnstitutunun müəllimi Yavuz Dizdar dəfələrlə açıqlama verərək xərçəng xəstəliyi ilə broyler toyuqlarından hazırlanmış qida arasında əlaqə olduğunu söyləyib. Belə bir qorxunc iddia ilə çıxış edən alimin sözlərinə görə, sümükləri inkişaf etməsin, sadəcə ətə dolsun deyə toyuqlar eynən tarladakı pomidorlar kimi heç tərpənmədən yetişdirilir: “Buraxsanız belə, tərpənmirlər... Sağlam qidalanmaq üçün əksər insanlar ancaq toyuq əti yeyir. Sonra da görürük, hər gün bir gənc qadın süd vəzisi xərçənginə tutulur. Çox böyük ehtimalla, bunun səbəbi genetik modifikasiya olunmuş məhsullarla qısa müddətə böyüyən broyler toyuqlardır”. - See more at: http://teleqraf.com/news/4127#sthash.bdcrqM3w.dpuf

\\\"Havalar istiləşəndən 4 ilan sancma hadisəsi qeydə alınıb. Bu il ilanvurma hadisələrinin daha tez qeyəı alınması ilə bağlı deyilənlər doğru deyil. Çünki, ötən ilin aprel ayının 20-də də belə bir hadisəyə rast gəlinmişdi. Amma ilan sancmaların artıq baş verməsi zərdab məsələsini aktuallaşdırır. Bizim klinikaya kifayət qədər sayda zərdab ayrılıb.

Seksual problemlərlə bağlı dövlət xəstəxalararına müraciət edənlər artıq bu imkanı itirmiş sayılırlar. Azərbaycandakı dövlət xəstəxana və klinikalarında seksopatoloji kabinetlərin ləğv edildiyi aydın olub. Səhiyyə naziri Oqtay Şirəliyev bu haqda hələ 2009-cu ildə əmr veribmiş. Buna baxmayaraq, bu yaxınlaradək bəzi tibb ocaqlarında həkim-seksopatoloq ştatları və seksopatoloji kabinetlər fəaliyyət göstərib. Artıq belə kabinetlərin hamısı bağlanıb. İndi yalnız özəl klinikalara seksopatoloji kabinetlər fəaliyyət göstərir.

“Azərbaycan da daxil olmaqla bir çox ölkələrdə insanlar daha çox oturaq həyat tərzi keçirir, nəticədə qeyri-infeksion xəstəliklərin inkişafına və ümumilikdə dünya əhalisinin sağlamlığına mənfi təsir edir. Əksər xəstəliklərin müalicəsində aktiv həyat tərzinin müsbət rolu var”.

“Ürək, qan-damar sistemi xəstəlikləri gizli keçən xəstəlikdir. Onu müəyyən etmək çox çətindir. Bunun üçün çox ciddi tibbi müayinədən keçmək lazımdır. Məhz buna görə də həmin xəstəliyi müəyyən etmək olmur. Amma ümumilikdə ölkəmizdə olan sığorta şirkətlərində ürək, qan-damar sistemi və onkoloji xəstəliklər sığorta təminatından kənardır”.

“Özəl klinikalar dəvət etdikləri həkimlərin səlahiyyətli və səriştəli olmasına həmişə zəmanət verirmi? Yüksək ixtisaslı əcnəbi həkimin burada olması və konsultasiyaları xeyli mürəkkəb və baha başa gələn işdir. Kiçik özəl klinikaların belə böyük xərclərə gücü çatarmı? Özəl klinikalar belə mütəxəssisləri Səhiyyə Nazirliyindən xəbərsiz dəvət etməklə qanunu da pozurlar. Belə ki, xarici mütəxəssisi ölkəyə gətirməmişdən əvvəl onlar Səhiyyə Nazirliyinə müraciət etməli və məlumat verməlidirlər.

Bakıdakı 5 saylı Şəhər Klinik Xəstəxanasının Yanıq şöbəsinin adı və statusu dəyişdirilib. Xəstəxanada aparılan struktur və kadr dəyişikliyi nəticəsində yanıq şöbəsi Respublika Yanıq Mərkəzinə çevrilib. Bunu Respublika Yanıq Mərkəzinin baş həkimi Vüqar Ələkbərov deyib.

Ümumdünya Səhiyyə Təşkilatının (ÜST) məlumatına görə, dünyada 20 milyondan artıq insan vərəmdən əziyyət çəkir ki, onlardan da 7 milyonu açıq formadadır. Azərbaycanda da vərəmdən əziyyət çəkənlərin sayı kifayət qədərdir. Ölkəmizdə 2011-2015-ci illər üçün Vərəmlə Mübarizə üzrə tədbirlər proqramı hazırlanıb. Bu proqramlar çərçivəsində maarifləndirici seminarlar keçirilib. Xəstəliyin ötürüldüyü yerlər əsasən məktəb və bağçalar olduğu üçün həmin seminarlar orta məktəblərdə də aparılıb. Unutmamaq lazımdır ki, uşaqları düzgün maarifləndirmək gələcəkdə xəstələnmə hallarının sayının azalmasında böyük rol oynaya bilər.

Xəbər verdiyimiz kimi, fevralın 17-dən ölkə əhalisinin icbari dispanserizasiyasına başlanılıb. Bakı Şəhəri Baş Səhiyyə İdarəsinin rəis müavini Rauf Nağıyevin sözlərinə görə, may ayının 1-dək davam edəcək müayinə tədbirlərinə rayon icra hakimiyyətləri yaxından kömək göstərir.

Məlum olduğu kimi, bir neçə illik müzakirələrdən sonra Milli Məclis Azərbaycanda surroqat analığa qadağa qoyub. Millət vəkilləri hesab edirlər ki, bu prosedur bizim mentalitetə və dini-mənəvi dəyərlərimizə ziddir və hələlik cəmiyyət uşaqların bu yolla dünyaya gəlməsinə hazır deyil. Bəs, Bakı sakinləri bu barədə nə düşünür, onlar surroqat analığa necə yanaşırlar?

Bu barədə elanlar təkcə qəzetlərdə deyil, internetdə də geniş yayılıb, hətta vizitka formasında şəhərin müəyyən yerlərində də paylanır. Qəzetdə diqqətimizi çəkən bir elanı isə oxucularla olduğu kimi bölüşmək qərarına gəldik. “Təcili pul lazım olduğuna görə böyrəyimi və ciyərimi satıram. Lazım olsa, gözümün birini də sataram. Siqaret çəkmirəm, orqanlarım və qanım təmizdir. Yaşım 22, qan qrupum + II, telefonum...” Və telefon nömrəsi.

Hazırda respublika üzrə 9 psixiatriya xəstəxanası, 11 dispanser fəaliyyət göstərir. Bu barədə respublikanın baş psixiatrı Gəray Gəraybəyli məlumat verdi. Onun sözlərinə görə, ölkədə son 40 ildə ilk dəfə olaraq həm psixiatriya yardımı, həm də ümumiyyətlə psixi sağlamlıq istiqamətində köklü dəyişikliklər həyata keçirilir: “Plana əsasən, yaxın 3 il ərzində bu müəssisələrin bir qismi əsaslı təmir ediləcək, bir qismi isə tamamilə yenidən qurulacaq. Artıq paytaxtda və bölgələrdə müasir tələblərə cavab verən bir neçə korpus tikilib və müasir avadanlıqlarla təchiz olunub.

Həkimlərin pasiyentləri müalicə və müayinə üçün dövlət xəsxtəxanasına deyil, özəl tibb müəssisələrinə yönəltməsi heç kəsə sirr deyil. Hətta dövlət xəstəxanasında çalışan həkimə də müraciət etdikdə, o, xəstəni ikinci iş yerinə - özəl xəstəxanada yoxlamağa üstünlük verir.

"Əhali arasında yayılmış xəstəliyin H3N2 virusu olduğu barədə xəbərlər yayılsa da, belə bir qrip növünün ölkə ərazisində olduğu təsdiqlənməyib. Hazırda əhali arasında yayılmış xəstəlik kəskin respirator infeksiya epidemiyasıdır. Xəstəliyin artmasının səbəbi isə tam sağalmamış yataq rejimindən qalxmaqdır ki, bu da xəstəliyin yayılmasına və şiddətlənməsinə səbəb olur. Bu cür xəstələr çalışmalıdır ki, tam sağalanadək yataq rejimində olsunlar. Fərdi qorunma üsullarından istifadə etməklə xəstəlikdən qorunmaq mümkündür".